Les mots surlignés font l'objet d'une note
1Monsieur, depuys la despeche que je vous ay faicte par
2le cappitaine La Varenne, jay espié tousiours quel desain
3avoient les ennemys. Maintenant, jay descouvert quil
4est de faire le gast par tout où ilz passent.
5Jay adverty tous mes voisins de mectre tous les vivres
6dans les forteresses, affin que votre gendarmerie
7puissent treuver quelques chose et pour incommoder
8dautant lennemly. Ilz viennent du cousté de Ribiers
9et sont logés à Thens et Remolon, en nombre de
10six ou sept cens, conduitz par Ferrier et le
11cappitaine Minand. Ceulx de Chanseaulx ne font point
12si proches voisins, jenvoiay hier des soldatz de ce lieu
14uns des leurs qui leur faisoient preparer le logis,
16pour essayer den prendre quelquun affin de prendre
17langues. Ilz admenarent ung nommé Marcellin Prachorain,
18duquel jay entendu leur desain estre de faire
19le gast. Il saict comme jentens quelque aultre
20entreprinse quil ne veult pas dire et je ne lay
21point voulu faire tormanter, sans premierement
22savoir votre volunté. Il est du nombre de ceulx
23la première trève, environ quatre cens charges
25de bled duquel je me vouldroys bien servir pour
26avoir quelque satisfaction, ou à tout le moins quil
27moienna de le me faire rendre, ce quil peult
28aysement faire par le moien de Chanussy qui
29est son beau frère et lung des chefz de
30cette rebellion. Mays cest pourveu quil vous
31[122 v°] plaise le treuver ainsi bon. Et surce, je vous
32baise bien humblement les mains et prie Dieu
33monsieur vous donner ce que bien desirés. A la Bastie
34Neuve, ce VIIe febvrier 1574.
35Votre bien humble serviteur
36P evesque de Gap